F’Jannar tal-2024, il-Prim Ministru Dr. Robert Abela ħatar lil Dr. Stefan Zrinzo Azzopardi bħala l-Ministru għall-Artijiet u l-Implimentazzjoni tal-Programm Elettorali.
Dr. Zrinzo Azzopardi ggradwa mill-Università ta’ Malta bħala avukat fl-1999 u ftit wara beda jipprattika l-liġi fil-Qrati Ċivili u Kummerċjali.
Fl-2003, fl-età ta’ 30 sena, huwa nħatar bħala l-President tal-Partit Laburista fejn taħt l-inkarigu tiegħu l-partit wettaq diversi riformi fosthom ta’ tiġdid fl-istatut tal-Partit Laburista. Wara r-rebħa Laburista tal-2013, Dr. Zrinzo Azzopardi nħatar bħala ċ-Chairman
tal-Korporazzjoni tar-Riġenerazzjoni tal-Port il-Kbir fejn kien responsabbli mit-tlestija ta’ diversi proġetti fil-Belt Valletta fosthom id-daħla tal-Belt, il-bini l-ġdid tal-Parlament, Pjazza Kastilja, Pjazza Tritoni u Ġnien Laparelli.
F’Jannar tal-2020, Dr. Zrinzo Azzopardi kien inħatar bħala s-Segretarju Parlamentari għall-Fondi Ewropej fi ħdan l-Uffiċċju
tal-Prim Ministru.
Waqt li kien f’din il-kariga, huwa kien jattendi fuq bażi regolari l-Kunsill għall-Affarijiet Ġenerali tal-Unjoni Ewropea. Matul iż-żmien tiegħu, huwa kkonkluda b’suċċess pakkett finanzjarju ta’ €2.27 biljun għal seba’ snin (2021-2027). Dan kien jinkludi l-Pjan ta’ Rkupru
u Reżiljenza ta’ €320 miljun bħala għotja diretta wara l-pandemija.
Dr. Zrinzo Azzopardi kien ġie elett mill-ħames distrett, għat-tieni darba fl-elezzjoni ta’ Marzu tal-2022 fejn serva bħala l-Ministru
għax-Xogħlijiet Pubbliċi u l-Ippjanar. F’din il-kariga, huwa wettaq diversi riformi fis-settur tal-bini u l-kostruzzjoni. B’mod partikolari, huwa kien daħħal fis-seħħl-Liċenzja tal-Kuntratturi sabiex jinstiga aktarresponsabbiltà u xogħol ta’ kwalità ogħlafl-oqsma tal-iskavar,
tat-twaqqigħ u tal-kostruzzjoni. F’dan ir-rwol, huwa kien ukoll responsabbli mid-Dipartiment tax-Xogħlijiet Pubbliċi u diversi entitajiet oħra li jiffurmaw parti mid-dekasteru tiegħu.