Il-Ministeru

Il-Ministeru għall-Artijiet u l-Implimentazzjoni tal-Programm Elettorali ġie mwaqqaf f’Jannar tal-2024. Il-Ministeru jmexxi l-Awtorità tal-Artijiet, l-Uffiċċju Konġunt, u l-Aġenzija tar-Reġistrazzjoni tal-Artijiet. Barra minn hekk, il-Ministeru jieħu ħsieb ukoll li ssir
l-implimentazzjoni tal-Programm Elettorali.

Il-funzjonijiet ewlenin tal-Ministeru huma:

• Biex ir-riżorsi tal-art u r-riżorsi tal-bini jiġu użati bl-aħjar mod għall-iżvilupp ekonomiku u soċjali ta’ Malta, permezz ta’ użu komprensiv u sostenibbli tal-art u tal-proprjetà.
• Sabiex jiġi żgurat l-aħjar użu tal-art tal-Gvern.
• Li tipprovdi sistema effettiva u affidabbli tal-ġestjoni tal-art, inkluż il-ħruġ u l-garanzija ta’ titoli tal-art u d-demarkazzjoni ġeo-spazjali tal-art.
• Biex jippermettu l-użu sħiħ tal-informazzjoni eżistenti fuq l-art u l-bini għal ġestjoni aħjar tal-art u tal-proprjetà, filwaqt li jkun hemm ħolqien ta’ opportunitajiet ġodda
  ta’ negozju.
• Li tifformula, timplimenta u taġġorna l-pjanijiet u l-politiki relatati mal-promozzjoni
  tal-proprjetà kollha tal-Gvern.
• Biex iżżomm kont tal-plottijiet residenzjali u kummerċjali, u tal-plottijiet tal-art kollha li jinsabu fil-gżejjer Maltin.
• Li tissorvelja l-implimentazzjoni tal-Programm Elettorali billi tikkomunika mal-Ministeri kkonċernati dwar l-implimentazzjoni tal-miżuri elettorali, filwaqt li tipprovdi valutazzjoni kontinwa tal-progress.